Osama Bin Laden pen CIA
te agent khat hi ngei hi cih thu mi 10 ah 7 te' theihloh thu ahihi. American ten
hilo hi ci-in nialna tuamtuam apiak hangin ahih lam teci tawh bangtawh aki lah
ciangin a nial ding uh hamsa veve ta hi.
American CIA (thu kansim
agency) ah 1979 pan 1989 ciang sem ngei hi ki ci hi. A sep danin hibang
ahihi. 1979 pan 1989 dong asawt Afghan gam aa Soviet gal a thei mi tampi om
kha ding hi. Hih Soviet gal sungah ki hel in a langpang pite sungah Osama Bin Laden
zong ki hel hi.
Panmun thupi pen ah
pangin, ama hangin Afghan te lam pan a do pih ding galkap tampi ngah uhhi. A
tamzaw pen Arab gam lam aa Islam biakna a it phadeuh Jihadism galkap te leh
Afghan Arab galkap te a hi uhi.
Thau-vui thau-tang leh
sum leh paaite pen Bin Laden zon sak a hihi. Tualai in Afghan te lam a panpih
gam tam simsim uh hi. Tuate sung panin Pakistan, American leh Sen te cibang
hi-in, American te in bel a ki langhlo in panpih sim uhhi. A diakin CIA tungtawnin
panpih uh ahih manin CIA te hang aa Afghan te gal zaw ki ci liang hi.
Bin Laden leh a pawlte America gam va pai in
galkap siamna va sin uhhi. CIA te in galkap siamna te hilhin tualai-in Tim
Osama cih min tawh CIA ah nasem khatin om hi. Kum 9 sung vilvel Osama in CIA
tawh khut ki lenin na sem khawm ahih manin American te thu nak tel mahmah hi. Tua
ahih manin Osama Bin Laden pen CIA te pat-tah agent te lak pan a siampen leh a
na sia pen ci-in tuni dongin leitung gam tuamtuam te in ko bawl lai uhhi.
American te in tuni
dong a nial den hangun, British, Russia, Sen (China) leh Middle East gam te in
Osama Bin Laden pen CIA te agent khat hihi cih pen tuni dong mah a um lai uh
ahihi.
Ref: 7 Days
News Journal , photo: internet
Lianpi (Ngaitui Von)
No comments :
Post a Comment