1994 kum Worldcup
Champion Brazil bawhlung team pan atam zaw
aki hel bawhlung team khat mai kha January kaal thumna sungin Yagon
khuapi ah bawhlung kidemna nei ding uh
cih thu kiza hi.
Tua bawhlung suihna pen January 21 (or) 22 ni hi
kha ding hi. 1994 kum Wroldcup Champion
Brazil bawhlung team sung pan Kafu, Roberto Calos, Biberto, Romareo, leh adang
Brazil bawhlung siamte hong ki hel ding cih Kawlgambup bawhlung kipawlna tavuan
nei khat in gen hi.
Hih Brazilgam bawhlung siam minthang luite in Yangon ah January 20 ni in hong tung ding uha,
1993 kum silver medal ngah Kawlgam bawhlung siam minthang luite leh tulaitak aa
Kawlgam bawhlung siam minthangte pawlkhat
ki gawmin bawhlung kidemna khat nei ding hi cih, Kawlgam bawhlung kipawlna
pan Media Director U Soe Moe Kyaw in tuni December 28 ni in gen khia hi.
Hih Brazil bawhlung siam minthang luite in Yangon
khuapi ah ni 3 sung bang a taam sungun, Kawlgam khangnote aa dingin bawhlung
kimawl dante zong hilh ding uhhi. Tua banah apua lam bawhlung uuk te tawh zong
kimuh khopna neih ding gelkholhna te zong omhi ci in tua tavuan nei pa in gen
hi.
Hih bawhlung kidemna hong pian theihna dingin
Kawlgambup bawhlung kipawlna in Brazil
Embassy, Brazil bawhlung kipawlnate leh adang kipawlna tuamtuamte tawh ki zomin
a vai hawm khiat uh hi cih thu zong ki za hi.
Lianpi (Ngaitui von)
No comments :
Post a Comment