Lungdam bawl mankhit Kachin ihbehte le Kawl
Kumpi galkapte December 29 ni zingsang tung nai 7:00AM hun pan kipan KIO,
Headquarters tawh tai (7miles) ki gamlatna om KIA te camp thupi pen khat ahi
Lajayang Camp pen Doh Phone Yan a phualsat Kawl Kumpi thaupi (metpi) galkap te'n
thaupi nam kimte tawh nasiatak in akap hong kipan uh ahih nathu le thaupi tawh
akap hun sung mahun leilam galkap te'n tua camp vanek phei in kido/kikap nate
kipan baih mahmah le nasia semsem ahih nathu te zong kiza ahi hi.
Ih behte le Kawl Kumpite nungkum 2011, June 9
ni a kipan a kido/kikap na uh Kum khat le alang sungah, December 28 ni le 29
ni nih kikap/kidona nasia pen le khauh paih lua cih gen thamlo Kawl Kumpi
galkap te'n leitung galpi asim le ado keei bang liangin KIO te phualpi (Headquarters) omna
Laizar khuapi alak zawh theihna dingin Laizar khuapi lam manawhin lampi mun
thum pan leilam galkap 4,000 bang zangin nawk tazen uh zong ahi hi. Laizer
khuapi lutna kong khah/kong biang tawh akibang Laizar khuapi pan tai (7 miles) aom
Lajayang Camp pen la nuam khia lua mahmah uh ahih ciang, leilam, thamlo vanlam
pan ni nih sung bomb khia thapaai le, leilam panin zong nasiatak nekgawp in
lak asawm na uh hang, KIA galkap te le (ABSDF-NB) sangnaupang galkap te kipawl
in galsiam le galhang thei mahmah uh ahih manin, tuni ciangdong Lajayang
camp pen Kawl galkap te'n alak zolo uh banah, December 14 ni pek aa kipan
asim hun simsial un asi aliam tam mahmahin, apiak khiat uh leh asup na uh nasia
thei zel ahih manin, manawt suak zolo in kinung lek kik den phial uh ahih
nathu kiza hi.
December 28 ni, Jet Fighters 5 le Russia gambawl
MM24 Leitung galte a kizang galvanleng Helicopters 2 akigawm vanleng sagih
leigalkap Battalions 49 te in lampi 3 pan huihpi nung mahmah tawh kibangin anawk
gawp (operation) abawl nathu uh ih gelh khit ciang, tua sangin a zingciang December 29 ni kumbei ma in siangsak le bei cimang sak nuam uh tawh kibang
liang zahkhat in Kachin State sung a KIO, te i Brigade (5)'s branch te ukna gam
te ahi Myitkyina-Bamaw road,Na lung, Hka Ra Le Bum Re lampi dung munte ah
December 29ni in,KIA te le Kawl Kumpi galkap te kikap/kidona anasiat penpen ni
in ciapteh huai phial zah khat in kigen zong ahi hi.
Tua ni in zong gal vanleng Jet Fighters le
Helicopters te tawh van pan nasiatak akap pih/ado huh mah bang un leilampan .105
mm Howitzer metpi te tawh zong kizom denin akap huh uh banah leilam pan
zong galkap tampite in mun thum pan anasia mahmah in akap uh banah, meikhu le
gu (poison) akihel (Bio Chemical Weapons) tawh akap na uh hangin, KIA galkap 40
val bang cina in kikem kikhoi zong ci hi. December 29 ni galvanleng honte in,
sun lam nai (11:40 AM) in khat vei, nitak lam nai (4:00 PM) in khat vei le, nai
(5:30PM) in khatvei hong kuan kik in KIA te omna phual teng zong kawikawi in
van pan nasia takin kap leuleu uh zong ci hi.
Tuni kikap/kidona ah ih beh KIA galkap te'n
Kawl Kumpi te i galvanleng Jet Fighter khat AA-GUN tawh kap kiamang zo uh ahih
nathu le, in Infantry Battalion (53) pan captain Kyaw Swa Aye tawh kigawm galkap
officers 3 le Kawl Kumpi galkap 60 val bang nikhat thuin sikhin uh ahih
nathu zong kiza lai ahih manin, kumza lom tampi gam sung khat teng khawm Unau
sanggam khat kihi napi'n kikap/kido nate ih et ciang lamdang sak ahuai thu le
ei mite aa dingin, ngaihsut ding thu tampitak hong piang ahi hi.
Kham Khan Suan (Artist Kyaw Kyaw Oo)
Ref:
zomidaily
No comments :
Post a Comment