Theih Huai Thu Tuamtuam

1. Leitungah kumpi gam a neu pen in Vatican City hi in mi 1000 val bek

 om in, a zaina 108.7 acres  bek pha hi.

2. Leitungah amah leh amah ki that (Suicide) atam zaw pen nipi khuavakni Monday ni in ki that uhhi. 

3. Leitungah min ki zangh atam pen in “ Mohamad” ahihi. 

4. Na deih nambat khat pen ciamteh inla tuapen 2 tawh khangsak, 10 tawh gawm, 2 tawh ne kik inla na ciapteh nambat pen dok kik leteh aphi pen 5 hi ding hi. 

5. Dominica, Mexico, Zambia, Kiribati, Fiji leh Egypt gamte ii alan tungah vasa lim tuang hi.

6. M&M Chocolate pen galkapte khut aa abelh loin nek thei ziau ding a ki bawl masa pen chocolate ahihi. 

7. Leitung mi vekpi ii alang in James Bond 007 zohsin en ngei uhhi. 

8. Kumsim aa ki zangh electric mei te tung pan a piang sik-hup tha hang in kum 2327 kum ciangin leilu mong (ေၿမာက္၀န္ရိုးစြန္း) pen  Mid-Kansas ciang tung dingaa, leitaw mong (ေတာင္၀န္ရိုးစြန္း) pen Africa gam nisuahna ciang tung ding hi ci uhhi. 

9. America gam ah Major League Baseball (MLB) ki mawlte in bombi sungten a vom pelhlo in teng sak uhhi, ahang pen hih baseball ki mawl ciang bombi ka ki kek thei pahpah ahih man hi. A ki kek phial leh zong a sung aa pen zong a vom mah hi lel ahih ciang aa… 

10. Olympic alan tung a ki suai a bem te in a san, a vom, a dum, a hing (green), a nai paak leh a kaang in ki bawl hi, ahang pen leitung gam tuamtuam te a lan ah zong atung aa mel te tawm pen khat ta pa ahih man hi ci uhhi. 

11. Leitungah McDonald sai a gol penpen in Sengam Beijing khuapi ah om in, a zai na 28,000 square feet pha hi, sum piakna counter bekbek zong 29 om hi.

12. La Paz, Bolivia khuapi in leitungah mei kang a tawm pianna pen ahihi. Ahang in tua khua pen tuipi mai pan a sanna pi 12000 val sang ahih manin huih sungaa om oxygen in meikang zah dong dingin tamlo ahih man ahihi.

13. Wale kici we-la-nga a duum te in a otna aw un 188 Cecibels pha in, leitung nuntakna nei khempeuh lakpan a awng zo pen a aw ngaih penpen ahihi. A otna uh tai 530 na pan ki za zo hi.

14. Leitungah mite nek thei sa lak pan aksa leh vatawtsa pen a keuh ma atuii aa ki pan ne pah in a sih khit ciang in a sa na-ngawn ki ne hi. 

15. Miihingte in khuaphawk theihna nam 5 ih neih lak pan ih sih ciangin a nunung pen na a sem lai khua phawkna in ih zak theih na ahihi.

16. America gam aa WAL-MART kici sumbuk sai pi in minit 7 sim in a met bebek $ 3,000,000.00 ngah den hi, hau kenteh ih ci thei diam…

17. Beer te aki khot aa taangkona kyaw-nya te atam zaw in a phuan tam pipi a om theih na dingin satpiang tui zangh uhhi. 

18. Apple kung pen lingpaak kunng nam khat ahihi.

19. Naupangte muh nop mahmah ahi Tom & Jerry Cartoon pen Bill Hanna leh Joe Barbera te in 1939 kum pan ki pan in abawl uh ahihi. 

20. Sum kholna Ban (Bank) migilo te in a buluh ciangin a tam sih pen mite in tua ban aluh migilo te mah ahihi.

21. 1907 kum, kum thak ni in American kumpi

Theodore Roosevelt mite khat khit khat khut let in mi 8513 pha hi. 

22. Leitungah Telephone bawl masa pen pa Alexander Graham Bell in a zi leh a nu khat vei zong phone tawh hopih ngeilo hi, ahang pen amau te gel a beng ngong in khua za zaw om lo uhhi. 

23. Leitungah tui khempeuh ii 2% bek siangtho hi. 

24. Khapi tung kah masa pen Neil Armstrong khapi tung ah a veilam khe tawh sik masa hi. 

25. Eskimo minamte in tuikhal singkuang (ေရခဲေသတၱာ) pen a nek theih te uh a khalh gawp loh na’ng in zangh uhhi.

26. American mi 4 ciangin 1 in TV sungah ki hel ngei uhhi.

27. Sunday tawh aki pan kha khempeuh “Friday” pen  13 ni tawh ki tuak den hi.

28. Nitumna gam lamte in Friday leh 13 ni hong ki tuah leh ni hoihlo in ciam teh uhhi, ahang pen Topa Zeisu pen Friday ni in si in Amah leh anungzui te avek un 13 pha aa a 13na pen in Judah Iscariot ahihi.