BRASILIA (Jan 7, 2012): Brazil gam nisuahna saklam thong khatah thongkiate pattah sa zawhngeu khat apumpi tungah phone leh lei tawh nading vanh tuamtuamte kiheen sa in ki man hi. Tua vanhte pen thongsungaa thongkiate kiang apuak ding ahihi.
“Agent khat in zawhngeu pen adangte tawh kibang lo tuam phadiak ahih manin anai et ding ava pai leh vamu kha hi” ci’n Marcelo Avelino, thong cingte kipawlna lungtangpi pa in O Globo newspaper te tungah geen hi.
Agent pa in tua zawhngeu no ii pumpi tungah singat tem nonote leh concrete taih vuh na’ng sik hiamte lah lei tawh na’ng vanh tuamtuam te ki koih ip khat tawh kikhih mu hi. (anuai aa limte)
Tua zawhngeu pen Alagoas thong kiim ah paisuk paito zel pen ki mu zelzel hi ci hi.
Thong uk uliante khat in G1 news website aa ageenna ah tua zawhngeu pen thongkia te khawi sa hi aa, amel theihte uh thong ahawh ciangun inn ah ciahpih zel hi ci hi.
Thong uk ulian pa geen behna ah, “Thongah aciah kik thei ding leh vanh pua koikoi dingaa ki zangh thei dingin a pantah thei hih thongkiate nasep dan thakte hangin lamdang kasa mahmah uh hi” ci hi. – AFP
No comments :
Post a Comment