Independence Day aa Daw Aung San Suu Kyi thugeen.

Khat leh khat kitelsiamna ih neih zawh kei leh Democracy maantaktak ki ngah zolo ding hi ci in NLD makai pi nu Daw Aung San Suu Kyi in January kha ni 4 ni in, NLD zumpi a ki bawl a (65) veina Suaktak ni in geen hi. Tua munah party pawlpi mite, gamdang ambassador te leh gam ki uukna tawh kisai mipilte (senior politicians ) ki hel hi.

NLD makai pinu Daw Aung San Suu Kyi in Suaktak ni athu geenna ah:

“ Suahtak ni'n Suahtakna ih cih kammal ii akhiatna ki lungngaih kik ding kisam in ka um hi.

Gam khat ii midang gamte uukna sungpan a suahtak uh Suahtakna cih pen Kawlpau in  Lot-latt-Yee  (Suahtakna) ki ci hi. Mangpau in ahih leh gam khat ii Suahtak ni pen Independence Day na ci uhhi.

Suakta cih leh Freedom cihpen tawm ki lamdang hi cih hong kuppih nuam ingh.

Independence  cih akhiatna in  ei leh ei ki muan zawhna, eima khe nih tawh dintang zawhna hi.

Kumcinggta khaang cingta cih nopna hi.

Suahtakna bek tawh kicing lo hi. Suakta pongmawk in ih khe nih tawh dingtang zolo, eileh ei ki muang zolo, midangte tungah ki nga denkeei leng politic pau in cileng suakta kici thei lo hi.

Ih gam in a suakta taktak gam hi khin hiam cipen ih gammite ih vekin ih pici’n ding kisam hi. Gammite hong pici’n ciang bekin ih gam hong picing ding ahihi.

Ih gam hong pici’n ciangin suakta taktak te hi hang ih ki ci thei pan hi” ci-in geenhi.

Ih gamsung aa apiang buaina te tawh kisai in, “ Hih gamah buaina tampi om cih mi tampite theisa ahihi. Hih buainate ih siansak zawh na’ng in khat leh khat ki zahtak ding kisam hi.

Ei tawh ngaihsutna kibang lo te zahtak zo lo in, ih telsiam zawh nai kei leh Democracy taktak gam khat ki phut zo lo ding hi” ci in geen beh lai hi.

Ki khoppina ah General Aung San leh Kawlgam aa dingaa anuntakna uh apia makaite zahtak piakna, 8888 laai aa gam buaina hangaa si mite aa ding minit 8 sung daih diideena aneih khit uh ciang NLD nayakah U Tin OO in hun hon thu geenna nei hi.

NLD te ii suahtakna taangkona laipi U Han Tar Myit in siim khia in, 88 sangnaupang te kipawlna leh Kamaan minamte'n NLD tungah apuak Laipi te ciaptehna nei uhhi.
NLD zum pan a 65 veina Suahtakna kikhawmna pi ah thee lay thee a nyieng te (သီးေလးသီးအၿငိမ့္) lim lahna nei uhhi.

Eleven Media Group