Jessica Cox in 1983 kum in America
gam Arizona-ah asauh limin khut lang nih nei loin piang hi. Ahih hangin Leitungah
amasa pen khut neilo vanleng hawl theihna license angah banah, ATA (American
Taekwondo Association) pan in amasa pen khut nei lo black-belt (kawnggak vom)
ngah lai hi. Tu-in Jessica in Taekwondo ah kawnggak vom nih ngah khin ta hi.
Vanleng hawl tintan akah zawh kum 3
khit ciangin vanleng hawl theihna license October 10, 2008 kumin ngah aa,
light-sport aircraft vanleng neu namte tawh a sanna pi 10,000 ciang deih bangin
leng thei hi. Jessica Cox in aki thauh tawm or aki bawl tawm khut pen kum 14
aphak aa kipan zangh nawn loin, mi tampi in khut azat bang mahin a khe zangh
hi. Vanleng banah mawtaw hoihtakin hawl thei, piano tum thei, computer tawh
lai-at zong siam mahmahin minute khat sungin laimal 25 at zo hi. A mit limlangh
pen akhe zanghin amah leh amah in thuah-in zong suah thei hi.
Cox in psychology tawh University of
Arizona ah sang zo in, 2012 kumin a Taekwondo siapa Patrick tawh kiteng uhhi. Tu-in
ahih leh lungsim lam thapiakna thugen nasep ahi "motivational
speaker" semin leitung gam 17 val ah zin kawikawi-in thu gen hi.
No comments :
Post a Comment