Hih TUI dawnna tawh kikepna pen nang mahmahin na sin phot ma in na um kei kha ding hi. TUI dawnna tawh anuai aa natna gilo te dam siang sitset hi cih kimu khia hi.
Sikhang, Sisan hatlo, guh leh taang na, sagolhna, thau luat natna, guhleh taang bawk, pumpi hik neinai cih te...
Naakbing, lung am, lungtangna, sihui kigak lua, bukkhuh, leh Sisan cancer ....
Kal na, Kalsung suangom, Awm na, TB, nulehpa omkhopna pan kilawh natna tuamtuamte, gilpina, sungkhak, zumkhum, nin pai manlo, nawi cancer, gawl cancer, , mit tawh kisai natna tuamtuam (mitsung san, mitsung pan siluang).....
Tui Tawh Kikep Dan
Zingsang na zingthawh khit ha na nawt ma-in tui hai 6 ahih keileh litter 1.5 nisim in dawn den in. Na dawn khitteh maiphiat hanawt pan in. Hih kikep dan pen tanglai India te'n Usha Paana Chikitsa ci in azat mahmah khat ahihi.
Kidop ding thu: Tui hai 6 na dawnma leh na dawn khit bangmah atui aha an lamsang ne vetlo ding hi. Tui na dawnma zan in zu himhim dawn vetlo ding (zu dawn thei te ahih leh sun lam bek aa dawn ding, nitaklam, zanlam himhim zu kici dawn vetlo ding) hi. Tui dawnna tawh natna kikep sawmte in zingsang lambek hi ding aa, nitak, zan lam hilo dinghi. Tui minsa ahih keileh tui siang bek hi ding hi.
Na kipat tungin tui maan hai 6 thakhat thu aa dawn ding pen hamsa kha ding hi, amasa in maan hai 2 dawn phot in la minit khat minit nih hal in hai 2 ta dawn kik in, tua dan hileh ni khat ni nih khit ciang maanhai 6 dawnnop na sa dingaa na zongsangh to suak lel ding hi. Na kipat tungin nai khat in zun thum vei li vei bang na tha ding aa, ong sawt leh a ngei ong bang kik ding hi.
Muhkhiatna
Hih kikep dantawh anaui aa natna te pen ani ciangtan in dam siang lian cih ki mu hi.
1. Sungkhak... ni 1 in damsiang hi.
2. Zunkhum, Sikhum...ni 7 sungin dam hi.
3. gilpina.... Kha khat sungin dam hi
4. Cancer... nipi li sungin dam hi.
5. TB... kha 3 sungin dam siang hi.
6. Sikhang...nipi li sungin dam hi.
Atung aa nite in natna kipat tungin ih thei leh ani ki at hun in dam siang ding aa, ahi zongin natna gunh khin, sawtpi ana sate ahih leh kha tampi dawn kul ding hi.
Guh leh taang bawk, dula natna neite aa dingin kalkhat sung nikhat thum vei dawn leh dam thei hi. Gentehna; zingsang, sunkim leh nitak cihdan... natna abei dong in dawn sauk ding.
Pumpi sung siantho sakna dingin lampi hoihpen in tui tampi dawnna ahihi. Tui tampi ih dawn ciangin sisan athak tampi ki behlap hi. Ih gilpi leh ih gilzang sungaa abelh aniak te'n in sisan thak piangsak uhhi. Tua ahih manin tui tampi dawn leng ih gilpi zong siangtho cidam in ihnek ih dawnte tungpan sisan thak tampi piang sak zo hi.
Natna pan ih dam theih na'ng in sisan thupi mahmah ahih manin cidam na'ng tui tampi nisim dawn den ding kisam hi.
Mihing nuntak hun tom mahmah aa, tu aa na theih tui dawnna taw cina kep dante na veng na pam, na lawm na gual tungah hawm sawn le cin Man (sum) ngenlo aa cina damsak siavuan pi na hi pah hi.
Lianpi (Ngaitui Vontawi)
No comments :
Post a Comment