Malaysia Khauhsuai Kan Thuk Hiuhiau..

မေလးရွား ေခါက္ဆြဲေၾကာ္ ခ်ဥ္ခ်ဥ္စပ္စပ္ေလး.....

Malaysia Khauhsuai kan thuk hiuhiau aduh te aading abawl dan anuai aa bang in ki sin thei hi.

Mi li nek theih ding:

• Khauhsuai peekte - 600g; ဆန္ၿပားေခါက္ဆြဲ-600g
• Aaksa - 300g (aneu theithei in at nen inla mehza tawm leh aisan tawh tok khawm in)
• Pe pin pauh (ပဲပင္ေပါက္)-300g
• Mongla uh san(မံုလာဥနီ) pumkhat (pa didek in at in)
• Ankam kaang(မုန္ညွင္းၿဖဴ )-tawmcik (at sa in koih in)
• Benaang tawm(at sa in koih in)
• Tam-pa-ya tui sikkeu nih
• Zasan(malta) hing pum nga- at khol ding  (athak duh te'n atam zaw)
• Lothaang kaang pum nga (teemta tawh sat pek in)
• Lothaang san agol lualo khat (a pum in at tiltel in)
• Be tawh kibawl ngabik tui (ပဲငံၿပာရည္)-sikkeu khat
• Sa thau sik keu 5
• Ngapik tui (ငံၿပာရည္) sikkeu 1
• Mehza - sikkeu 1(Cikhum zong kizangh thei)
• Nga zoh kawng avui (ငရုတ္ေကာင္းမွဳန္)႔-tawm cidan teng kisam hi.

Ki pan dih ni ei leh guai

Malaysia Khauh suai kan bawl na'ng akisam vanteng abaih sa in koih khol in maw.....

Aak sa kang masa ding

Aak sa amin khit ciang lothaang san leh akaang tawh kang khawm leuleu in

Lothaang te a vul dikdek ciang zasan hing leh adang mehgah mehteh na at sa te khah suk in la kang khawm in

Mehgah mehteh te avul ciang in khauhsuai, leh bepik tui leh ngapik tui, nga zoh kawng vui, mehza leh tam-pa-ya tui  te khah inla kang leuleu in (Lim didan)

Avekpi in na khan khitteh al maw al lo cih ciam inla nek lian  ding in  sabuai tungah koih thei ta hi...

Tam-pa-ya thuk hiuhiau leh zasan thak siseuh tawh lim mahmah na khat nei ei.. (na sim kawm in na cil aphul leh zong mawhna cih bang hilo hi.) 

Lianpi (Ngaitui Vontawi)