Ih Phawk khak loh Thu pawlkhat

1.  Ih hatchu ciang naksa (huih diksa) in ki hatchu thei lo ci.

2. လင္းပိုင္ kici ngasate a ihmut uh ciang amit khatlam haksa in ihmu uh ci.

3. Kumsim in gul tuk aa misi sangin khuai deh a misi tam zaw.

4. Taklam zanghte-in veilawngte sangin aponghpi in enleng kum 9 bang khan sau zaw ci hi.

5.  Queen Elizabeth I kumpinu ih mu ngei kei zongin mitampi takin kiza ngei ding hi. Hih kumpi nu’n akisam aa akisam kei zongin kha thum ciang khatvei ta bek kisil ci veh aw.

6.  Nazi makai pipa Hitla pen sa nelo gahleh teh bek ne in, amanh ciltang khat bek nei hi. Ciltang khat bek aneihna pen sa anek loh man hi tuak sam kei.

7. Polar kici vom (ganhing) te in nek khatin ပင္ဂြင္းငွက္ kici vasa tawlsang te pum 86 nek khat in gai ci  zen veh aw.

8.  Golf bawhlung khat ii maitang tung tengaa aphual abawk leh akuak vekpi gawm 336 pha ci.

9.  Na hatchu ciang na kamvang leh na nakvang te hu(khak) kei in. Banghang hiam cihleh kamsia leh ih mittang kitam thei ci hi.

10.  Innlawi (khau'-lawk) te alu kitan sa in ni 15 sung nungta thei uh hi. Ni 15 khitteh a sihna in an anek loh mah hi ci.

11.  Leitung mi khempeuh liangko leh liangko ki su-in kigual ding hi leh leitung vial 60, vial zo ding ci ei.

12.  Mihing te pumpi tungaa a khauh penpen sazaang in leei (tongue) hi.

13.  Outopus kici (kawlte’n: ye-ba-wew)tuisung ganhing te-in lungtang thum nei uh hi.

14.  Ni pan aa ong pai khuavak in leitung a tunna dingin minit 8 sawt hi. Cihnop na ah nang nitum lian na muh laitakin nipen atum zawh minit 8 pha zo cihna hi.

15.  Mihing te’n nisim aa ih zatzat neklehdawn tampi lakpan asia thei lo amuat theilo nektheih khat bek om in tuapen khuaizu hi.

16.  Tanglai Egypt te pen Kemet ki ci in, Egyptian cih pen Greek te sapna ahihi.

17.  Manglai sungah vowels a paa lo kammal asau penpen in “twyndyllyngs” hi-in unau kipeng te acih nopna hi. Ahihhang in khat veivei manglai ah “w”leh “y”pen vowel in ki zang thei hi. Tua ahih man in TWYNDYLLYNGS pen “Twindillings” tawh kibang ding hi.

18.  Vokte amau pumpi ki lamh dan tawh ki tuakin vandak thei vetlo ci hi. Ka zak ngei khatah ni dang lai-in ei zomi papi ten ek athak uh ciangin vokte’n lam et khat nei in en to in ngakngak ci khat za ngei ingh.

19. May kha aa suak naupang te-in kha dangaa suakte sangin grams 200 gik zaw thei hi.

20. Eskimos mi namte’n vuk cihna kammal 100 val nei uhaa, ahih zongin Hello cihna kammal neilo uhhi. Zomi ten zong Hello cihna kammal bel nei tuan khang maw..

21. Leitung bup aa mikhempueh mi 100 bek apha dingin ki khiam suk thei hi leh Asia gam ah mi 57, Europe gam ah mi 21 America taih sakleh khang kigawm ah mi 14 leh Africa gam pan mi 8 tabek pha dinghi. Tuate sungpan mikhat bekin computer nei ding hi.

22.  Ih mittang te pen ihsuah aa kipan ihsih dong khang nawn loin, ih nak leh ih bilte ahih leh khawl hun nei loin khang khang thei lel hih tuak..

23.  Kek in a khiat na khat pepeuh pen asat na 28000  ံC tawh kangtum sakin, tuapen ni maitang sangin sa zaw cihi. Kua in thuak zo mawk mah ding ...

24.  Leitung aa om vasa khempeuh lak pan adum (blue) mel amu thei vasa khat bek om aa, tuapen simbengh ahihi.

25.  Nikhat in pasal te’n kammal 2000 agen khit simin numei te’n kammal 7000 val na gen khin uhhi. Suaa suaa mawk.

26. Khuaite in khuaizu pound khat angah na’ng un paak palh gawm 2000 val tungah va khawl kawi kawi in, alenkawi kawina uh a gamlatna in tai 55000 val leng uhhi.

27.  A diang theilo nawi-ne ganhing khat bek omin tua pen sai ci niuu neuu veh aw.

28. Golf bawhlung sat kimawlna pen tuma kum tampi lai-in Scort Land gam pan kipan kia in tua kimawlna pen Numeite kisanglo, Pasal bek (Gentlemen Only Ladies Forbidden) cih ki mawlna panin tua laimal te a tom lakna GOLF hong pia khia hi ci uh hi.

29. Leikha Mang khatin kum 50 ciang bang nungta-in nisim in leikha no tul sawm thum bang nausuak zo hi ci hi.

30.  Nang tawh suakni ki bang lian leitungah mi 10,000,000 (Awn sawm)om  hi.

31.  Innlawi (khau-lawk) te’n anek vetlo an nam khat bek om in tua pen tangmai gah hi.

32.  US kumpi Abraham Lincoln Athet-lotdaw- amat dingin 1846 kum in kitel aa, kumpi John F. Kennedy pen Athet-lotdaw- amat dingin 1946 kumin kitel hi.

33.  Abraham Lincoln pen 1860 kumin kumpi ngah aa, John F. Kennedy pen 1960 kum in kumpi ngah hi.

34.  Kumpi Abraham Lincoln ii Secretary pen  Kennedy hi in, Kumpi John F. Kennedy ii Secretary   pen Lincoln hi leuleu hi.

35.  Amau te gel kumpi inn White House alut khit un a tate khat tuak si in, kumpi tegel anih un sangkah ni ngani Friday ni in migilo te’n suamlum uhhi. Anih un a lutang thau tangin kha in si uhhi.

36.  Kumpi tegel pen US khanglam mite ahi Johnson behte hangin hong gualzo tuakin khanglam mite mahin that uhhi. Abraham Lincoln a gualzawh na’ng aa a panpih Andrew Johnson pen 1808 kumin suak/piang aa, John F. Kennedy apanpih London Johnson pen 1908 kum in suak/piang hi. (Lamdang veve ei)

Lianpi (Ngaitui Von)